Видео ролики бесплатно онлайн

Смотреть 4k видео

Официальный сайт pharma-24 24/7/365

Смотреть видео бесплатно

  • English


new logo

677007, г. Якутск, Сергеляхское шоссе, 3й км, дом 3, тел.: , факс: , e-mail: [email protected]

ЯКУТСКАЯ ГОСУДАРСТВЕННАЯ
СЕЛЬСКОХОЗЯЙСТВЕННАЯ АКАДЕМИЯ 
677007, г.Якутск, ш.Сергеляхское, 3 км, дом 3
телефон +7(411)2357845, факс: +7(411)2358162, e-mail:

Махтал тыллара

Махтал тыллара

«Тыа сирин олоҕун биир кэлимник сайыннарарга» диэн 2013 с. СР Президена Борисов Е.А. ыйааҕар сөп түбэһиннэрэн Сунтаартан 14 буолан Саха тыа хаһаайыстыбатын академиятын (ректор Л.Н. Владимиров) профилакторийыгар түһэн, эбии үөрэхтээһин институтугар үөрэнэн, опыт атастаһан бардыбыт.

DSC 2156

ИДПО директора Павлова Александра Иннокентьевна уонна кини биир саналаах дьоно – коллегалара олус наадалаах киэҥ программа оҥорон элбэх лекциялары иһиттибит, уһуйааҥҥа сырыттыбыт. Духовнастан саҕалаан, -50° кыраадыс тымныыга тулуйар таҥаһы хайдах тигиэххэ; төрүт дорҕоон диэн тугун; кыл оҥоһуктар кистэлэҥнэрин; тыа сиригэр ыалдьыттар дьиэлэрин хайдах тэрийэри, киэргэтэри; онно клиент болҕомтотун хайдах тардары; алгыс диэн тугун, суолтатын; сибэкки арааһын үүнээйини хайдах табан кэрэ көстүүлээх гына олордору, харайыыны; түргэнник өлгөмнүк, минньигэстик, хайдах ас астаан остуол хотойорунан ас тардары; дьиэ экономикатын табыгастаахтык салайыы; оҕуруот аһын олордон өлгөм үүнүүнү ылары, о.д.а. үөрүйэхтэргэ уһуйдулар.

Общественнай палата конференц-залыгар,  «Арчы» дьиэтигэр академия автобуһунан бара сырыттыбыт. Общественнай палата конференц-залыгар Богословская Марина Олеговна (Общественнай палата председателин солбуйааччыта) көрсөнүлэлэрин- хамнастарын туһунан кэпсээтэ, элбэх боппуруоспутугар эппиэттээтэ.

Тыаҕа олорор, нэһилиэнньэни түмэр далбар хотуттар ааттарыттан бастатан туран Владимиров Л.Н., Павлова А.И., Уткин К.Д., Клавдия, Герман Хатылаевтарга, Самсонова И.В., Тарбахов И.И., Львова П.М, Ефремов В.Н. уонна институт коллективыгар махтал тылларын аныыбыт. Дьиэҕэ да, общественнай да үлэҕэ бу ылбыт үөрэхпитин туһаныахпыт, дьоҥҥо-сэргэҕэ тарҕатыахпыт. Онон бу программа тохтоон хаалбакка, өссө кэҥээн, тэтимирэн үлэлиирэ буоллар президеммыт айааҕын олоххо түргэнник уонна хаачыстыбалаахтык хас биирдии тыа олохтооҕор тиийэн туоларыгар төһүү күүс буолуох эбит. Тыа сирин олоҕун хаачыстыбата сайыннаҕына, киһи бары бэйэтигэр сөптөөх үлэни булуннаҕына, олохсуйдаҕына, онно олороруттан үөрэн киэн туттар да кэмэ кэлиэх этэ. Онон бу үөрэх кыһата өссө элбэх ситиһиилэнэригэр баҕарабыт, барыларыгар ис сүрэхтэн махтанабыт.

Туспа махтал тылларын нэдиэлэни быһа аһатан-сиэтэн, эмтээн-томтоон сытыарбыт профилакторий бары үлэһиттэригэр уонна манна тэрийэн ыыппыт Ийэ баһылыкпыт Иванова Галина Прокопьевнаҕа аныыбыт.

Өссө да ситэри үөрэммит киһи, атын дьоммут кэлэн үөрэнэллэрэ буоллар диэн ыра санаалаах тарҕастыбыт.

Сунтаар, Игнатьева Татьяна Алексеевна, Арыылаах нэһилиэгин «Көмүлүөктула» түмсүү салайааччыта,

нэһилиэк ветераннарын советы нпредседателэ.

ПечатьE-mail

В хорошем качестве hd видео

Онлайн видео бесплатно