Видео ролики бесплатно онлайн

Смотреть узбек видео

Официальный сайт maxceiling 24/7/365

Смотреть видео бесплатно

  • English
 
new logo1

677007, Республика Саха (Якутия), г. Якутск, ш.Сергеляхское 3 км., д. 3, тел.: , факс: , e-mail: [email protected]

logo sm

ЯКУТСКАЯ ГОСУДАРСТВЕННАЯ
СЕЛЬСКОХОЗЯЙСТВЕННАЯ АКАДЕМИЯ 
677007, г.Якутск, ш.Сергеляхское, 3 км, дом 3
телефон +7(411)2357845, факс: +7(411)2358162, e-mail:

Эдэр сааһым умнуллубат кэмнэрэ – ЯГСХА

    Биһиги группабытыгар 50-тан тахса этибит. Өйбөр хатанан хаалбыта бастакы практикабыт. Мин дойдубар Амма улууһун Болугур нэһилиэгэр бурдук хомууругар үлэлээбиппит. Сана бэйэ-бэйэбитин билсэн, биир тылы булсан, үлэни да, сынньалаҥы да сүрдээх эйэлээхтик-интэриэһинэйдик атаарбыппыт. Сорох оҕолорбут Покровка нэһилиэгэр эмиэ бурдук хомууругар хаалбыттара.

2
    Бастыкы курска тыа хаһаайыстыбатын үөрэхтэрин үөрэппиппит. Земледелие, животноводство, кормопроизводство уо.д.а.. Биһигини үөрэппиттэрэ Львова П.М., Слепцова Н.С., Черова Е., Даянова Г.И. Ол билиим кэлин тус олохпор сүрдээҕин көмөлөспүтэ. Мин тыа сиригэр олорон, күннээҕи көрөр үлэм-дьаһаҕым таах буолбатах, барыта научнай өттүлээх эбит диэн билбитим. Бурдугу, оҕуруот аһын үүннэрии агротехникатын олус диэн интэриэһиргээбитим. Ийэм оҕуруотугар ол билиибин бигэргэтэр этим. Львова Прасковья Михайловна этэрэ өйбөр хатанан хаалбыт «моркуобу сайын устата үстэ-түөртэ эрэ уу кутаҕын, ол оннугар өлгөмнүк, оччоҕо үчүгэй үүнүүлээх урожайы ылыахха сөп диэн». Бу үөрэхтэри куораттан уонна хотуттан сылдьар оҕолорбут ыарарҕаппыттара быһыылаах. Көрүдүөс түгэннэр бааллара «моркуоп отунан аллараа сиргэ үүнэр» диэн, «у тебя уже всходы пошли.., а ты взяла и вспахала их» диэн. Прасковья Михайловна, Наталья Семеновна билигин да Академияҕа улэлии сылдьаллар.

3
    Иккис курстан основы бухгалтерского учета үөрэтэн барбыппыт. Барыта саҥа этэ - Лука Пачоли, самолетиктар, сальдо, дебет, кредит, баланс, актив, пассив, план счетов, корреспонденция счетов. Боростуой проводкалары таабырын курдук таайа-таайа сордоммуппун, хос-хос зачет туттарбыппын өйдүүбүн, бухгалтерскай счеттар хаһан да өйбөр киириэ суох курдуктара. Билигин, 16 сыл бухгалтердаан баран, ону күлэ саныыбын. Биһигини араас кэмҥэ экономика, бухучет төрдүн үөрэппит преподавателларбытын Тимофеев М.У., Потапов В.П., Константинова М.С., Соловьева В.С., До М.В., Васильева Д.В., Соловьева А.П. сылаастык ахтабын. Үһүс курска үөрэнэ сырыттахпытына институппут академия буолбута.

5
   Саамай истиҥник, сылаастык саныыр кэмнэрим уопсайга олорор кэмим буолар. Биһиги саҕана уопсай дьиэтэ саҥа этэ. Миэстэ тиийбэт буолан хосторго элбэх буолан олордоллоро. Аан бастаан одноместнай хоско ус буолан олорбуппут, Вырдылина Маша, Александрова Таня. Үһүс курстан 327 хоско бэһис киһинэн киирбитим. Бииргэ олорбут кыргыттарым Захарова Мария, Карманова Надежда, Монастырева (Евграфова) Жанна, Иванова Сусанна, Устинова Юлия. Сүрдээх эйэлээхтик, үөрэххэ-үлэҕэ, сынньалаҥҥа бары бииргэ сылдьан үс сыл бииргэ олорбуппут. Кыргыттарым спортсменнар буолан Олимпиадалары көрөргө интэриэстэммитим. Сессия кэмигэр хоспут ортотугар улахан остуолбутун тардан кэбиһэбит, уонна үрдэ барыта кинигэ, тэтэрээт, "шпора", ким баҕар киирэн наадыйбыт боппуруоһун булар, үөрэтэр. Хостон хоско кэрийэ сылдьан экзамеҥҥа бэлэмнэнэр этибит. Бары да үөрэхпитигэр күүстээх этибит да, Жанналаах Надябыт күнү быһа библиотекаҕа олороллоро. Ол туоһутунан иккиэн кыһыл дипломунан бүтэрбиттэрэ. Хоспутугар кулинарнай конкурс, дискотека, төрөөбүт күннэри тэрийэр этибит. Павловскайга Сусаннаҕа кыһын сиир хортуоппуйбутун хостоспуппут, Харыма хайатыгар баран сынньаммыппыт, курспутунан элбэхтэ маевкаҕа сылдьыбыппыт. Кыргыттарбын кытта истиҥ дьүөгэлэр буоллубут, ол кэмтэн сибээспитин быспакка олохпутунан бииргэ айанныыбыт. Ону тэҥэ Афанасьева Соняны уонна Степанов Толигы кытта үөрэх кэмиттэн чугастык алтыһабыт, бары бииргэ дьиэ кэргэнинэн доҕордоһобут...
   Биэс сыл устата бэрт интэриэһинэйдик үөрэнэн, элбэҕи билэн, общественнай олоххо активнайдык кыттан 1998 сыллаахха дипломмутун көмүскээбиппит. Биһиги Саха сиригэр бастакы үрдук үөрэхтээх "Бухгалтерский учет и аудит" специальноһы ылбыппыт. Банкет кэнниттэн пл. Ленина фонтаныгар баран бары күүлэйдээбиппит, хас сыл аайы 6 июня фонтан аттыгар көрсүөх буолан республикабыт араас улуустарыгар, куораттарыгар тарҕаспыппыт. Ол күнтэн номнуо 17 сыл ааста.
   Бииргэ үөрэммит оҕолорбут билигин ситиһилээхтиик идэлэринэн үлэлии сылдьаллар. Үксэ тэрилтэ салайааччылара, главнай бухгалтердара, финансистара, бухгалтердара.
    Мин бухгалтерынан үлэлээбит тэрилтэлэрим ООО "Осткар", ООО "Кристалл-2001", ООО "Драгоценности Якутии". 2013 сылтан Академияҕа главнай бухгалтер солбуйаачытынан үлэлии сылдьабын. Миигин кытта үлэлии сылдьаллар мин бииргэ үөрэммит оҕолорум: главнай бухгалтерынан Монастырева Жанна Алексеевна, бухгалтерынан Копырина Анна Михайловна, ИПК специалиһынан Бочкарева Марина Кимовна, преподавателынан Никонова Татьяна Александровна.
    Үөрэтэн таһаарбыт үөрэх кыһабар Академияҕа, үөрэппит ытык-мааны преподавателларбар биэрбит билиигит, кыһамньыгыт иһин улахан махталбын тириэрдэбин. Доруобай, этэҥҥэ буолун. Академия өссө даҕаны үүнэ-сайда турарыгар, элбэх кэнчээри ыччаты олох киэҥ аартыгар таһаарарыгар баҕа санаабын этэбин.

Николаева Нюргуяна Егоровна
Заместитель главного бухгалтера ФГБОУ ВО «Якутская ГСХА»
13 мая 2015г.

ПечатьE-mail

В хорошем качестве hd видео

Онлайн видео бесплатно